Deewaar Zamane Ki Gira Kiyon Nahi Dete
Dil Men Mere Ab Khud Ko Basa Kiyon Nahi Dete,

Hai Raat Andheri si, Udasi Bhi Boht Hai
Umeed Ki Shama Ko Jalaa Kiyon Nahi Dete,
...
Kehte Ho K Mujh Men Hi Wafa Ka Hai Samunder
Pher Mujhko Bhala Apni Wafa Kiyon Nahi Dete,

Woh Gard Jo Is Dil Pe Kai Din Se Pari Hai
Woh Gard Zamane Ki Hata Kiyon Nahi Dete,

Hum Ne Dil-e-Nadaan Ko kai Baar Kaha Hai
Beete Howe Har Pal Ko Bhula Kiyon Nahi Dete,

Is Dukh K Zmane Men Sab Ko kaho Tum
Rote Howe Logon Ko Hansa Kiyon Nahi Dete.