tu ab mere sabar ka kataayi imtihan mat le
yun tadpa ke qistoN mein meri jaan mat le

tu keh kar dekh toh main toh yun hi marr jaunga
mere dushman se meri maut ka saaman mat le

tujhe kya chahiye bas tu ishara toh kar
magar ab kisi gair ka toh ehsaan mat le

main sharmshar hun yeh soch kar log kya kahenge
tu daagi chaadar par ik aur nishan mat le

tu hai toh main hun aur tujhse yeh ehsaas bhi hai
juda ho ke tu mujhse meri pehchan mat le

tune jab jo maanga vo maine sab diya tujhe
jo ghar hai tera uss dil ki toh tu jaan mat le